OPs.- CONVOCATORIA GRUPO MOTOR E GAP.

Seis barrios acollerán Puntos de Información

cidadá sobre os Orzamentos Participativos

· O Grupo Motor e o Grupo de Análise e Proposta pecharán esta tarde un acordo sobre os horarios dos mesmos.

· Na mesma sesión de traballo se establecerán os criterios de selección dos proxectos e as datas das primeiras asembleas

Ferrol, 02 de setembro de 2009.-

O concelleiro de Participación Cidadá, Manuel Santiago, informou esta mañá da nova sesión de traballo dos grupos que están a deseñar o modelo experimental de Orzamentos Partipativos -Grupo Motor, dinamizador dos barrios e parroquias obxeto de intervención, e GAP, que definiu o Regulamento de Participación Cidadá hoxe en fase de achegas-.

A xuntanza se celebrará esta tarde, ás 19 horas, no salón de actos da asociación de veciños O Cruceiro de Valón, na parroquia de Doniños.

Trátase dunha sesión moi relevante, xa que se intentará ir pechando as últimas reformas e debates relativos ao Regulamento de Funcionamento de Orzamentos Partipativos 2009.

E, por isto, se tratarán catro puntos claves.

-O primeiro, os criterios de priorización para as propostas que van ser votadas na última asemblea.

Cada barrio e parroquia do Grupo Motor presentará a súa proposta, ao igual que o GAP, que tamén estivo a confeccionar un documento de traballo para expor ao Grupo Motor. En sesións anteriores xa se debatiu sobre a necesidade de incorporar criterios de valoración que garantisen a puntuación de determinadas propostas correctoras de carencias de infraestruturas, servizos ou equipamentos; proxectos que implicasen a varios barrios ou que tivesen unha perspectiva de cidade, ou determinados proxectos dirixidos a equilibrar situacións de desigualdade de colectivos desfavorecidos, entre outros. Na sesión de hoxe se tentará consensuar un listado de criterios e como vai afectar a súa puntuación á valoración das propostas presentadas polos veciños e veciñas.

-Na xuntanza, e como segundo punto da orde do día, tentarse chegar a un acordo sobre que órgano de participación deberá aprobar definitivamente o regulamento.

- Así mesmo, e como terceiro punto, abrirase o debate sobre as achegas realizadas polos diferentes grupos políticos.

E, pechando a sesión, se analizarán os horarios para os sete puntos de información que se van a instalar -un en cada barrio, dous na parroquia de Doniños e un no pazo municipal.

- En relación ao último punto, se achegan os enderezos dos ditos puntos de información:

Barrios e parroquias -- Enderezos

San Xoán de Filgueira- O Bertón / Local da asociación veciñal San- --Xoán de Filgueira, rúa Souto, 11.

San Pablo de Catabois / Local da asociación veciñal San- --- Pablo de Catabois, rúa Carballo.

Santa Mariña / Local da asociación veciñal --- Santa Mariña do Vilar. O Sino.

San Xurxo / Local da asociación veciñal Río Ponte .

--Lugar Río da Ponte.

Doniños / Local da Asociación de Mulleres Rurais. Lugar de Pereiro.

Doniños / Local da asociación veciñal Cruceiro de Valón.

--Lugar da Torre.

Concello / Departamento de Participación Cidadá. Praza de Armas.

Neste senso, nos sete puntos de información e a través da web se vai a abrir o rexistro de participantes con dereito a votar. Calquer veciño pode participar e presentar propostas, mais tan só as persoas que teñan unha vinculación co barrio poderán votar as propostas de inversión e actividade para o seu barrio. Para iso, deberán estar empradroados nos lugares obxeto de intervención -cun mínimo de idade establecida nos 16 anos, traballar nos barrios como empregado ou empresario ou ter unha propiedade nos barrios e parroquias-.

Por último, na mesma xuntanza de hoxe se determinarán as datas das primeiras asembleas, a celebrar previsiblemente durante as primeiras semanas de outubro. Nas mesmas se realizará un diagnóstico dos barrios, que axude a ordear posteriormente as propostas en función dos principais problemas detectados polos veciños e veciñas.


Saúdos; Gabinete de Comunicación