O Regulamento de Participación Cidadá
está aberto a aportacións antes da
aprobación definitiva.
- Dende a Concellería de Participación Cidadá infórmase que o Regulamento de Participación Cidadá, que foi a pleno o pasado mes de xullo para a súa aprobación inicial, nunha sesión extraodinaria na que participaron representantes veciñais, está en fase de achegas ate o 29 de setembro.
Esta normativa era publicada no Boletín Oficial da Provincia (BOP) o 25 de agosto, abrindo un prazo de 30 días hábiles para recoller suxestións ao texto.
Todas aquelas persoas e entidades que desexen realizar aportacións ao texto co obxecto de perfilar máis os seus contidos e posterior posta en funcionamento, poden presentar as propostas mediante Rexistro Xeral do Concello de Ferrol.
Finalizada a fase de achegas, realizarase un estudo destas aportacións para continuar coa tramitación para a súa aprobación final no Pleno da Corporación, nunha nova sesión de carácter extraordianario na que se prevé a participación das numerosas entidades que estiveron a traballar neste proxecto dende maio de 2008.
O documento está dispoñible no taboleiro de anuncios de rexistro e na páxina web municipal (http://www.ferrol.es/); igualmente no departamento de Participación Cidadá facilítanse copias do texto e se asesorará a todas as persoas interesadas neste proceso.
O departamento de participación cidadá está emprazado no 1º andar da casa do Concello.
Tamén se poden consultar dúbidas ou concertar citas no 981.944.219 e 981.944.015.
No hay comentarios:
Publicar un comentario