ACORDOS E PROPOSTAS DA COMISIÓN DE CONTROL R.P.C.-

- COMISION DE CONTROL PROVISIONAL

DO REGULAMENTO DE PARTICIPACIÓN CIDADÁ

COMUNICADO DE PRENSA

- PETICIÓN INFORMES DOS CONSELLOS SECTORIAIS.


- INICIATIVA PARA IMPULSAR ORGANO DO/A VALEDOR/A CIDADÁ

E A OFICINA DE RECLAMACIÓNS E SUXESTIÓNS.



- A Comisión de Control Provisional do Regulamento de Participación Cidadá, informamos que este mércores na casa do Concello mantivemos unha Xuntanza Extraordinaria con caracter de auto -convocatoria co fin de analizar e avaliar a aplicación dos mecanismos do Regulamento de Participación Cidadá, coas seguintes valoracións e acordos;

* Realizamos unha valoración positiva en canto o traballo desenvolvido polas entidades sociais, cidadáns, técnicos/as, grupos motores dos ORZAMENTOS PARTICIPATIVOS-2010(OPs-2010), convidando a cidadanía a participar no tramo final deste proceso.

* Está Comisión de Control Provisional do R. P. C. ten acordada realizar unha xuntanza cos representantes dos Grupos Políticos.

* Estimamos necesario manter unha xuntanza conxunta desta Comisión de Control coa Comisión de Seguimento dos OP.s-09 para o mes de Setembro co fin de desenvolver e preparar a CONSTITUCIÓN dos FOROS CÍVICOS temáticos a partir do mes de Outubro.
A preparación destes FOROS CÍVICOS deberá contar coa máxima colaboración, información e esforzo de todo o tecido social, cultural, político e cidadá.


* A Comisión de Control acorda solicitar a Concellaría de Participación Cidadá un INFORME sobre o funcionamento, convocatorias, representantes sociais dos CONSELLOS SECTORIAIS co fin de avaliar a súa aplicación conforme ao Regulamento de P.C.


* Realizamos unha autocrítica sobre a aplicación do Regulamento de Participación Cidadá, concluímos que o proceso vai demasiado lento polo que propoñemos a creación de varios órganos e mecanismos contemplados no propio Regulamento como o VALEDOR/A CIDADÁ e a OFICINA DE SUXESTIÓNS E RECLAMACIÓNS.

Instaremos ao concelleiro de Participación Cidadá, na encomenda de coordinar coa Concelleira de Persoal de dotar a este órgano das correspondentes prazas de funcionarios/as e o Concelleiro de Facenda para orzamentar estes órganos.
Estes mecanismos deberán estar definidos antes do remate da presente lexislatura.

A Comisión de Control consideramos necesario este esforzo para desenvolver e implementar o Regulamento de Participación Cidadá coa seguridade de que a cidadanía de Ferrol utilice este instrumento democrático.

Ferrol, a 22 de Xullo de 2010.



- A Comisión de Control Provisional do R.P.C.