-Xuntanza da Comisión de Control
Provisional do R.P.C.
-Aprobación da norma interna
de funcionamento.
A Comision Provisional de control do Regulamento de Participación Cidadá, reuniuse este pasado martes, día 4 de maio ás 6 h. da tarde na dependencias da casa do concello para aprobar o Regulamento Interno de funcionamento desta comisión. Este Regulameto foi debatido con anterioridade en varias reunións até chegar a esta reunión final, onde foi aprobado por unanimidade.
A Comisión Provisional está integrada na actualidade por 12 membros que sairon na súa maioría do antigo GAP, (Grupo de Análise e Propostas).
Este Regulamento aprobado este martes, contén as funcións, facultades, integrantes e funcionamento desta Comisión, que se constituirá nun foro de debate, participación e enlace coa cidadanía e o tecido asociativo en materia de participación codadá.
Darase conta deste Regulamento interno á Comisión informativa de Participación Cidadá para coñecemento dos grupos políticos.
A Comisión de Control Provisional valorou positivamente o destino social da caseta da Praza de España, onde servirá de punto de encontro da cidadanía para realizar diferentes usos de actividades como charlas, debates, exposicións, actos socio-culturais..etc.
Trasladarase para a seguinte reunión a proposta de abrir un rexistro de cidadáns interesados en participar nos diferentes organismos emanados do Regulamento de Participación Cidadá co fin de crear unha base de datos.
- A Comisión .-
Podes informar por cantos membros foi, ese martes, aprobado o regulamento?
ResponderEliminarFoi votado por 8 votos a favor, 0 en contra e 0 abstencións.
ResponderEliminarSaúdos