Dende a concellaría de Participación Cidadá poñémonos en contacto con vostede, e con a entidade que representa, para informarlle da actuación municipal no ámbito de participación cidadá como son o deselvolvemento do Regulamento de Participación Cidadá e a posta en marcha do proceso dos Orzamentos Participativos.
Un dos pilares sobre o que se formula a Participación Cidadá é o de implicación e participación dos distintos colectivos e entidades que conforman o mundo asociativo ferrolán. É por iso que informámoslle da convocatoria do Foro Cívico que terá lugar o mércores, 30 de Novembro no Salón de actos do Centro Sociocultural Carvalho Calero, ás 19,30 h-21,30 h.
A Orde do día contempla as seguintes cuestións:
* Recepción de persoas asistentes ao Foro. 19,30 h.
* O desenvolvemento do Regulamento de Participación Cidadá. 19,40 h.
* Situación dos Orzamentos Participativos e presentación do novo modelo. 20,00 h.
* Posta en común e debate. 20,30 h.
De cara un mellor desenvolvemento do Foro, achegarémoslle nos próximos días o documento de presentación da sesión de traballo.
Agradecendo de antemán a súa colaboración, reciba un cordial saúdo.
Ferrol, a 24 de novembro de 2011.
- José Manuel Vilariño Anca.-
- Concelleiro de Participación Cidadá.-
No hay comentarios:
Publicar un comentario