PRENSA - DIFERENTES ORGANOS E MECANISMOS DO REGULAMENTO.

Comisión de suxestións- Asembleas de barrio -

Consellos sectoriais - Foros cívicos-

Consello da veciñanza .-


Os veciños terán un abanico de recursos para estreitar o control

á actividade política.

O Regulamento de Participación Cidadá dá vida a media ducia

de órganos civís

O proceso de participación cidadá superou un punto sen retorno. «¡Xa non hai marcha atrás!», sentenciaron políticos e entidades durante a aprobación inicial do regulamento, no pleno extraordinario do pasado xoves, para mostrar o seu desexo unánime de avanzar na democracia «do século XXI».

Trátase dun proceso complexo que non fixo máis que empezar. «Puxemos unha primeira pedra», sinalaba onte respecto diso o concelleiro de Participación Cidadá, o socialista Manuel Santiago, pero queda aínda por finalizar a construción desa estrutura que ten, como finalidade, aumentar a intervención dos cidadáns na vida pública.

Superado o pleno do xoves, a vía administrativa prosegue agora coa exposición pública do regulamento e, de non existir alegacións a ese documento, levará novamente ante os membros da corporación para ser aprobado definitivamente.

Agora, tanto o Concello como o Grupo de Análise e Proposta no que participaron ata setenta entidades ferrolás de todo tipo para redactar o documento, seguirán desenvolvendo os órganos que contempla ese regulamento, que establece ata media ducia de recursos aos que todo veciño poderá acudir para exercer os seus dereitos ante a administración local.

Pero, ¿cales son os conceptos básicos da participación cidadá, os seus órganos e as funcións que poderán abordar?

A defensa dos dereitos da cidadanía ante a Administración é unha das prioridades da participación cidadá, e un dos órganos deseñados para garantir ese dereito é a Comisión Especial de Suxestións e Reclamacións.

Será tarefa do pleno local a constitución dun grupo con representación proporcional de concelleiras de todos os partidos municipais. Deberán supervisar a actuación do Concello e recoller e defender as queixas dos veciños.

As bases tamén son cruciais nos procesos de participación como o que o Concello de Ferrol trata de pór en marcha. Tal é así que nace a figura das Asembleas de barrio, abertas a entidades e veciños, e que serán o xeito de canalizar todas aquelas propostas destinadas aos orzamentos participativos.

Precisamente ese proceso de decidir desde os barrios o investimento de determinados recursos económicos bota a andar este mesmo ano, a modo experimental, nas parroquias de Doniños, San Xurxo, Santa Mariña, San Pablo e San Xoán.

Tamén terán bastante que dicir os veciños en diversas materias de organización e Consello sectorial que a miúdo levan a cabo desde os gobernos locais. No caso de Ferrol, poderanse integrar consellos como o de Turismo, no que os propios veciños poderán ofrecer o seu punto de vista, xunto a políticos e entidades, en deseños de plans turísticos, por exemplo.

A figura do Foro Cívico é un recurso que xa foi utilizado durante o proceso de redacción do regulamento de participación cidadá. Trátase dunha convocatoria xeral á cidadanía que servirá de órgano de debate e formulación de propostas, ademais de ofrecer un seguimento de todos os procesos ou da execución, por exemplo, dos orzamentos participativos.

Será definido polo pleno municipal e dedicarase a coordinar o resto de órganos da participación cidadá. Canalizará e intercambiará as informacións dos consellos sectoriais, as asembleas de barrio e os foros cívicos. Tamén promoverá a colaboración entre entidades da cidade.

Unha das figuras máis destacadas do proceso de participación cidadá en Ferrol é a creación dun Valedor/a do/a veciño/a. Será elixido por maioría absoluta en votación plenaria e encargarase, entre outros asuntos, de canalizar e facer un seguimento aos problemas que os veciños lle expoñan.

O Valedor foi tamén a figura máis cuestionada durante os últimos meses, xa que foi necesario solicitar informes xurídicos á Federación Española de Municipios e Provincias para determinar o método de elección dese novo cargo.

La Voz de Galicia.-