Concello de excluílas do proceso
REDACCIÓN >FERROL
O proceso de orzamentos participativos, ao que o Concello dedicará este ano 350.000 euros e que se aplicará como experiencia piloto en Doniños, San Xurxo, Catabois, Santa Mariña e San Xoán, está motivando os primeiros enfrontamentos entre o Concello e as entidades veciñais e cidadáns a título individual que forman parte do Grupo de Análise e Propostas (GAP).
O traballo deste grupo foi fundamental para a aprobación o pasado día 10 de xullo do novo Regulamento de Participación Cidadá, en cuxo contido traballaron durante meses.
Desde esta plataforma veciñal denúnciase que, unha vez ratificada polos grupos municipais, a ordenanza, o goberno municipal quérenos deixar á marxe dos orzamentos participativos e que nos disolvamos como GAP, indicou onte a presidenta da Asociación de Vecinos de Caranza, María do Pilar Rodríguez Venancio.
As diferenzas entre o concelleiro de Participación Cidadá e este colectivo sobre o proceso de orzamentos participativos puxéronse de manifesto na reunión que mantiveron a semana pasada no Concello, que algúns representantes veciñais abandonaron como mostra do seu descontento co goberno local.
Ante esta situación, os integrantes do Grupo de Análise e Propostas decidiron autoconvocarse para hoxe para dar unha resposta á intención do equipo de goberno de reconducir os seus labores.
O GAP recibiu onte o apoio do grupo municipal de Esquerda Unida?, que denunciou o carácter intervencionista e burocratizador do borrador do regulamento de orzamentos participativos.
A través dun comunicado, a súa voceira, Yolanda Díaz, considerou un malgasto desaproveitar a experiencia e coñecemento adquiridos polos integrantes do GAP.
Sen restricións
Nesta liña, a portavoz de EU considerou necesario que a participación na posta en práctica dos orzamentos participativos non se limite aos veciños dos cinco barrios que se beneficiarán da experiencia piloto deste ano, senón que interveña non proceso toda a nosa cidadanía interesada.
Así, engade que este proceso ten que ser unha escola cidadá para todas e todos, porque o vindeiro ano teremos que estendelo ao conxunto da cidade, apunta.
Desde EU reclamouse ao goberno municipal que o texto que regulará o desenvolvemento dos orzamentos participativos pase polo movemento veciñal e asociativo para que sexa verdadeiramente participativo, e acusa de desenfocado o borrador entregado a semana pasada aos grupos municipais porque se centra máis nos requisitos e tempos que se deben de cumprir para participar no proceso e apenas se avanza nos criterios que teñen que posuír as propostas veciñais para a súa priorización.
Para Yolanda Díaz, do que realmente se trata é de facilitar e incentivar a participación, non restrinxila ou dificultala, e avanza a disposición da súa formación a que esta primeira experiencia salga ben.
Diario de Ferrol.-
No hay comentarios:
Publicar un comentario